\"Güman edirəm ki, Erkin Qədirli o sözləri zarafatyana deyib\": Deputatdan AÇIQLAMA

Deputat Erkin Qədirlinin bloger Mehman Hüseynova açıqlamasında səsləndirdiyi fikirlərlə bağlı müzakirələr səs küy gətirməyə davam edir.

Mediaturk.tv xəbər verir ki, Milli Məclisin deputatı Cavanşir Feyziyev bu barədə Turkustan.az-a fikirlərini bildirib.

Güman edirəm ki, həmkarımız Erkin Qədirli o sözləri zarafatyana deyib və belə rezonans yarada biləcəyini ehtimal etməyib. Çox ciddi görünməklə yanaşı Erkin Qədirlinin həm də güclü yumor hissinə malik olduğunu sezmişəm. Zənnimcə, jurnalist onun yumorunu anlamayıb və ciddi qəbul edib. Nəticədə qarışqadan fil düzəltməyə meylli olanlar üçün yeni bir mövzu tapılıb.

“Əminəm ki, hər bir deputat məhz demokratik seçkilər yolu ilə mandat qazanıb. O başqa məsələdir ki, seçkiləri uduzmuş digər namizədlərdən bəziləri məğlubiyyətlə barışa bilmir və ömürlük düşmənə çevrilir”. Nə qədər ki, onun rəqibi deputatdır, mətbuatda ona qarşı əks-təbliğat kampaniyası aparır və nəticədə  onun demokratik yolla seçilməməsi haqqında şübhələr formalaşdıra bilər. Bu da azad mətbuatın yan fəsadlarından biridir. Amma bu heç də həqiqət demək deyil.