"Heç şübhəsiz ki, erməni cinayətkarlar buraxılış məntəqəsindən keçsələr həbs ediləcəklər" - Cavanşir Feyziyev

"Azərbaycan-Ermənistan sərhədində, Laçın rayonu ərazisində nəzarət-buraxılış məntəqəsinin açılması ilə ölkəmizin ərazisinə qeyri-qanuni giriş-çıxış imkanları heçə endirilib".

Mediaturk.tv xəbər verir ki,bunu deputat Cavanşir Feyziyev Faktmedia.az-a deyib.

Deputat əlavə edib:

"30 illik işğal müddətində Azərbaycan qanunlarını pozmuş, Azərbaycan dövlətinə və vətəndaşlarına qarşı cinayət törətmiş  və hüquq-mühafizə orqanlarımız tərəfindən haqqında axtarış elan olunmuş şəxslər artıq sərhəd məntəqəsindən keçə bilməyəcəklər. Araik Arutyunyan və onun ətrafında toplaşan cinayətkarlar sərhəd məntəqəsini keçməyə cəhd göstərərlərsə, şübhəsiz ki, saxlanılacaqlar və onlarla bağlı istintaq-məhkəmə prosesləri aparılacaq. Əlləri Azərbaycan xalqının qanına bulaşmış bütün cinayətkarlar layiq olduqları cəzanı alacaqlar".