Məşhur azərbaycanlı Rusiyada vəfat etdi -FOTOLAR

Rusiyada yaşayan azərbaycanlı Vladimir Abdurahmanov vəfat edib. Bu barədə millət vəkili Cavanşir Feyziyev  sosial şəbəkə hesabından məlumat paylaşıb. Xatırladaq ki, Vladimir Abdurahmanov Azərbaycan milli heykəltaraşlıq məktəbinin əsasını qoymuş Fuad Abdurahmanovun nəvəsidir.

Millət vəkili Cavanşir Feyziyevin sosial şəbəkə hesabından paylaşdığı statusu diqqətinizə çatdırırıq.

“Dünən günorta saatlarında Fuad Abdurahmanovun Sankt- Peterburqda yaşayan nəticəsi Darya Abdurahmanova zəng edərək atasının vəfat etdiyini bildirdi. Görkəmli monumentalist, Azərbaycan milli heykəltaraşlıq məktəbinin əsasını qoymuş Fuad Abdurahmanovun nəvəsi Vladimir Abdurahmanov bir neçə ay idi ki, ağır xəstə idi. Vladimir öz ailə üzvləri ilə birlikdə 2 il əvvəl Azərbaycanda olmuşdu. Bakı şəhərində olarkən ailə üzvləri Fuad Abdurahmanovun Fəxri Xiyabanda məzarını ziyarət etmiş və vaxtilə babasının yaşadığı ünvana baş çəkmişdi. Nizami Kino Mərkəzində Fuad Abdurahmanova həsr olunmuş “Monumental həyat” sənədli filminin təqdimatında iştirak etmişdi. Daha sonra Abdurahmanovlar ailəsi Şəkiyə səfər etmiş, Şəki şəhər İcra hakimiyyəti tərəfindən Fuad Abdurahmanovun xatirəsinə həsr olunmuş tədbirdə iştirak etmiş və Şəkidə yaşayan qohumları ilə görüşmüşdü. Unudulmaz sənətkarın nəslinin davamçıları soy-köklərinin Azərbaycana bağlı olması ilə fəxr etdiklərini və Azərbaycanla əlaqələrini genişləndirəcəklərini bildirmişdilər. Hazırda Fuad Abdurahmanovun nəticəsi Darya Abdurahmanova Azərbaycan mədəniyyət xadimləri ilə və eləcə də ölkəmizdə yaşayan qohumları ilə əlaqələrini davam etdirir.

Allah rəhmət eləsin!”