Azərbaycanlı diaspor rəhbəri ABŞ-ın Kvins şəhərinin fəxri dostu seçilib

Ukraynada tanınmış azərbaycanlı ABŞ-ın Kvins şəhərinin fəxri dostu seçilib.

Ukrayna Millətlər Assambleyasının prezidenti, Birləşmiş Ukrayna Azərbaycanlıları Konqresinin (BUAK) sədri və ABŞ-da yerləşən Dünya Diasporlar Assambleyasının həmsədri Rövşən Tağıyevə bu barədə Fərmanı Kvins şəhərinin prezidenti Donovan Riçards təqdim edib.

Kiyevə səfəri zamanı R. Tağıyev ilə görüşü zamanı təqdim etdiyi Fəxri diplomla rəhbərlik etdiyi şəhərin dostu elan edən şəhər prezidenti bildirib ki, bu seçim 2,4 milyon şəhər sakinləri adından elan olunur.

O, bildirib ki, R. Tağıyev bu seçimə dünyada və o cümlədən Ukraynada etnik xalqlar arasında dostluq münasibətlərinin möhkəmlənməsində, BUAK-ın fəallığında oynadığı müstəsna rola görə layiq görülüb.

R. Tağıyev fəaliyyətinı verilən qiymətə görə, şəhər prezidentinə və onun vasitəsilə sakinlərə dərin minnətdarlığını bildirib.