Krım Tatar Türkləri Ukraynada yerli xalq statusu qazandı

Ukrayna Prezidenti Vladimir Zelenskinin təklifi ilə parlamentin gündəminə gətirilən "Ukraynanın Yerli Xalqları Layihəsi" Baş Məclisdə səsə qoyuldu.

Layihə səsvermədə iştirak edən 345 deputatdan 325-nin dəstəyi ilə ümumi məclisdə qəbul edildi.

Qanunvericiliyə görə, Krım tatarları, Karaim və Krımçak xalqları Ukraynanın yerli xalqı kimi tanınacaq.

Ölkədə yaşayan ruslar isə Ukrayna hüdudlarından kənarda bir dövlətə sahib olduqları üçün yerli xalq sayılmayacaqlar.

Yerli xalqların assimilyasiyaya, etnik mənşəyinin və mədəni dəyərlərinin məhv edilməsinə, məcburi köçkünlüyə və köçürülməyə qarşı hüquqları təmin ediləcəkdir.

Ukraynanın yerli xalqlarının mədəniyyət, təhsil, dil və məlumat almaq hüquqları təmin ediləcəkdir.

Yerli xalqlar dil, tarix və mədəniyyətlərini öyrətmək üçün öz təhsil müəssisələrini qura və ya digər təhsil müəssisələri ilə əməkdaşlıq edə biləcəklər.

Ukraynanın yerli xalqları, təmsil etdikləri qurumlar vasitəsi ilə öz media qurumlarını yaratmaq hüququna sahib olacaqlar.

Krım Tatar Türkü, Ukrayna Millət vəkili Rüstem Umerov Ukrayna parlamenti tərəfindən təsdiqlənən qanunun ölkə üçün əhəmiyyətli və tarixi bir sənəd olduğunu vurğuladı.

Krım tatarlarının bu qanunu təxminən 30 ildir gözlədiklərini söyləyən Umerov, "Ukrayna Konstitusiyasında yerli xalqların və milli azlıqların hüquqlarının yalnız Ukrayna qanunları ilə təyin olunduğunu dedi.