Berdiməhəmmədovun yeni kitabı çapdan çıxdı

Türkmənistan Səhiyyə və Tibbi Sənaye Nazirliyinin konfrans zalında Prezident Qurbanqulu Berdiməhəmmədovun "Türkmənistanın dərman bitkiləri" kitabının XIII cildinin təqdimatı olub.

Təntənəli təqdimat mərasimində Səhiyyə və Tibbi Sənaye Nazirliyinin, onun ixtisaslaşmış qurumlarının rəhbərləri və aparıcı mütəxəssisləri, digər nazirliklərin və sahə idarələrinin, ictimai təşkilatların, KİV nümayəndələri və tələbə gənclər iştirak ediblər.

Kitabın səhifələrində endemiklər də daxil olmaqla dərman bitkilərinin müalicəvi xüsusiyyətlərinin, elmi və xalq təbabətində istifadə imkanlarının ətraflı təsvirini tapa bilərsiniz. Onların fotoşəkili, təsviri, bioloji xüsusiyyətləri, yayılma sahəsi, təbii ehtiyatlar, dərman xammalı, kimyəvi tərkibi, hazırlanma və istifadə üsulları vahid sxem üzrə verilir.