Bir qrup Ağdam sakini ilk dəfə doğma şəhərinə səfər edib

Ağdamın bir qrup sakini 28 illik həsrətdən sonra doğma yurdlarına səfər edib. Uzun illərin həsrətinə bu gün son qoyulub. Həmçinin Ağdam Cümə Məscidinin 28 il qorunub saxlanan açarları məscidə təhvil verilib.

MediaTurk TV xəbər verir ki, Ağdama səfər edən 50 sakini ilk olaraq Azərbaycan Respublikası Prezdentinin işğaldan azad olan ərazilərin Ağdam üzrə xüsusi nümayəndəsi Emin Hüseynov qarşılayıb. Bundan sonra Ağdam sakinləri İmarət stadionunu, Ağdam Dövlət Dram Teatrını və Ağdam Cümə məscidni ziyarət etdilər.

Daha sonra Ağdam Cümə Məscidində azan oxunub.

Ağdamlılar doğma ata-baba yurdlarında qəribə duyğular içindədirlər . Sevinc, kədər, qürur. Qarışıq emosiyalar ağdam şəhər sakini Arzu Aydınqızı viran qalmış evlərinin həyətində köçkünlük dövründə itirdiyi əzizlərinin qəbri üzərinə atmaq üçün torpaq götürüb.

Səfər iştirakçıları sonda Qiyaslı məscidində və Şahbulaq qalasında olublar.