Qırğızıstan Dubayda keçirilən Dünya Sərgisində iştirak edir

Qırğızıstan Dubayda (Birləşmiş Ərəb Əmirlikləri) keçirilən "Expo-2020" dünya sərgisində iştirak edir. Bu barədə Qırğızıstan Nazirlər Kabinetinin mətbuat xidmətindən məlumat verilib.

180 -dən çox ölkə və beynəlxalq təşkilatın qatıldığı tədbir sentyabrın 30-da başlayıb və "Ağılları birləşdirərək parlaq bir gələcək yaradaq" devizi altında keçirilir.

Altı ay ərzində Qırğızıstan pavilyonunun, köçəri həyat tərzinə əsaslanan qırğız xalqının orijinal mədəniyyətini, ənənələrini, adətlərini nümayiş etdirən bir sərgi təqdim edəcəyi gözlənilir. Ziyarətçilər virtual gəzintiyə çıxmaq imkanı da əldə edəcəklər.

Sərgi videoçarxlar, məlumat materialları vasitəsilə turizmin hərtərəfli inkişafı üçün imkanlar yaradacaq. Stend həmçinin quru ərazilərin suvarılması sahəsində yerli şirkətlərin yenilikçi həllərini təqdim edəcək.