MediaTurk TV-nin əməkdaşı "Xarı Bülbül" mükafatı aldı

Qazaxıstan Respublikasının müstəqilliyinin 30-cu ildönümü münasibətilə Beynəlxalq Türk Mədəniyyəti Təşkilatı tərəfindən nəşr olunan əsərlərdən ibarət 24 müxtəlif adda 2000 kitab paylanılıb. Kitablar türk xalqlarının zəngin mədəni irsində iz qoymuş, yazılı ədəbiyyata, eləcə də şifahi ədəbiyyata dəyərli töhfələr vermiş şəxsiyyətlərin əsərlərindən ibarət olub.

Tədbirdən sonra Qarabağın düşmən işğalından azad edilməsi uğrunda gedən mübarizənin dünya ictimaiyyətinə çatdırılmasında mühüm xidmətləri olan Qazaxıstan KİV nümayəndələrinə TÜRKSOY-un 2020-ci il “Xarı Bülbül” mükafatı verilib. Mükafat alanlar sırasında  Media Turk TV-nin Qazaxıstan təmsilçisi Nurqali Jusipbay da yer alıb.

Qarabağ həqiqətlərini dünyaya çatdırmaq üçün yorulmadan səy göstərən və hər zaman obektiv yanaşma sərgiləyənlərə təşəkkür edir və daha böyük uğurlar arzulayırıq.