Özbəkistan və Qazaxıstan hərbi təlimləri

Özbəkistan və Qazaxıstan müdafiə nazirlikləri arasında hərbi əməkdaşlıq sazişi imzalanıb. Bu barədə Özbəkistan Müdafiə Nazirliyinin mətbuat xidməti məlumat yayıb.

İmzalanma Qazaxıstanın müdafiə naziri general-leytenant Murat Bektanovun rəhbərlik etdiyi hərbi nümayəndə heyətinin səfəri çərçivəsində baş tutub. Noyabrın 22-də o, Özbəkistanın müdafiə naziri, general-leytenant Bahodir Kurbanovla görüşüb.

Tərəflər hərbi-texniki əməkdaşlığın perspektivlərini, hərbi təhsil, birgə təlimlərin keçirilməsi, döyüş hazırlığı sahəsində təcrübə mübadiləsi və regional təhlükəsizlik məsələlərini müzakirə ediblər.

Səfərin sonunda noyabrın 24-də Özbəkistan və Qazaxıstanın müdafiə nazirləri Bahadır Kurbanov və Murat Bektanov birgə təlimin son mərhələsini izləyiblər.

Əfqanıstanla sərhəddə yerləşən Tirmizi şəhərində Özbəkistan və Qazaxıstan silahlı qüvvələrinin iştirakı ilə birgə təlim keçirilib. Təlim çərçivəsində iki ölkə ordusu ölkə ərazisinə qeyri-qanuni soxulmuş silahlı dəstələri zərərsizləşdirmək üçün qurudan və havadan əməliyyatlar həyata keçirib.

Özbəkistan Müdafiə Nazirliyindən verilən məlumata görə, Tirmiz şəhəri yaxınlığındakı poliqonda Özbəkistan və Qazaxıstan quru qoşunlarının iştirak etdiyi “Tərəfdaşlıq-2021” hərbi təlimi uğurla başa çatıb.

İki ölkədən 100-dən çox hərbçinin iştirak etdiyi təlimdə ölkənin sərhəd bölgələrində silahlı dəstələrin aşkar edilərək zərərsizləşdirilməsi, eləcə də əməliyyat üçün Əfqanıstanla sərhəd bölgəsinin seçildiyi açıq şəkildə ifadə edilib. Manevr, mütəxəssislər tərəfindən bölgədəki şəbəkələr üçün təhlükə olaraq qəbul edilir. 

Şərti düşmənin qruplaşmalarını məhv etmək üçün qırıcılardan, döyüş helikopterlərindən, zirehli texnikalardan, artilleriya qurğularından, motoatıcı birləşmələrdən və pilotsuz uçuş aparatlarından istifadə olunub.