Azərbaycan məhsulları Moskvada sərgidə nümayiş etdirilir

İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə bu gün sentyabrln 14-də Rusiyanın Moskva şəhərində ev tekstili, interyer parçaları və dekor materiallarının nümayiş olunduğu “Heimtextil Russia 2021” sərgisi öz işinə başlayır.

MediaTurk TV AZPROMO-ya istinadən verdiyi məlumata görə, sərgidə dünyanın hər yerindən tekstil sahəsində fəaliyyət göstərən şirkətlər öz məhsullarını təqdim etmək, həmçinin təcrübə mübadiləsi və yeni əməkdaşlığın qurulması imkanı əldə edəcəklər.

Sərgidə interyer və ev tekstili, xalçaçılıq, iplik istehsalı kimi məhsulların istehsalında fəaliyyət göstərən Azərbaycan şirkətləri “Made in Azerbaijan” vahid ölkə stendi ilə təmsil olunacaq.

Eyni zamanda, Azərbaycanın qədim sənət nümunəsi olan, incə ornamentləri və zərif naxışları özündə birləşdirən Azərbaycan xalçaları da xüsusi milli stenddə nümayiş olunacaq.

Sərgi sentyabrın 16-dək davam edəcək.