Türkmənistanla Rusiya arasında ticarət dövriyyəsi 1 milyard dolları keçib

2021-ci ilin yanvar-avqust aylarında Türkmənistan ilə Rusiya Federasiyası arasında ticarət dövriyyəsi bir milyard dolları keçib.

MediaTurkTV xəbər verir ki, bunu rusiyalı həmkarı Vladimir Putinlə telefon danışığı zamanı Prezident Qurbanqulu Berdiməhəmmədov bildirib.

"Türkmənistan statistikasına görə, 2021-ci ilin 8 ayında ikitərəfli ticarət 2020-ci ilin eyni dövrü ilə müqayisədə 12,5% artıb. Bu dövrdə ikitərəfli ticarətin ümumi həcmi 1 milyard 86 milyon ABŞ dolları təşkil edib ”, - deyə Berdiməhəmmədov bildirib.

Türkmənistan rəhbəri Türkmənistan-Rusiya tərəfdaşlığının vacib bir sahəsinin ticarət-iqtisadi sahə olduğunu vurğulayıb və ikitərəfli ticarətin artdığını qeyd edib.

Qeyd edək ki, 2020 -ci ildə Türkmənistan ilə Rusiya Federasiyası arasında ticarət dövriyyəsi 39,6% artaraq 970,1 milyon dollar təşkil edib. 2019 -cu ildə Rusiya ilə Türkmənistan arasında ikitərəfli ticarətin həcmi təxminən 695 milyon dollar səviyyəsində olub.