Qazaxıstan Xəzər Boru Kəməri Konsorsiumu ilə neft ixracını artıracaq

2023-cü ilədək Xəzər Boru Kəməri Konsorsiumunun (CPC) ötürücülük qabiliyyətini ildə 80 milyon tona çatdırmaq planlaşdırılır.

MediaTurk TV  xəbər verir ki, bunu Qazaxıstan Prezidenti Kasım-Jomart Tokayev Xəzər Boru Kəməri Konsorsiumu (CPC) üzvlərinin səhmdar sazişinin imzalanmasının 25-ci ildönümünə həsr olunmuş təntənəli iclasında bildirib.

“2001-ci ildən bəri Xəzər Boru Kəməri Konsorsiumu boru kəməri ilə 750 milyon tondan çox Qazaxıstan nefti dünya bazarlarına çıxarılıb. Onun ötürücülük qabiliyyəti təxminən 2,5 dəfə artaraq ildə 67 milyon tona çatıb”.

Tokayev əlavə edib ki, layihənin həyata keçirilməsi “Tengiz”, “Karaçaqanak” və “Kaşaqan” kimi dünya standartlarına uyğun böyük yataqlara güclü təkan verib. Bu gün ölkədə bütün neft hasilatının 60 faizi onların payına düşür. Konsorsium Qazaxıstan və Rusiyanın, eləcə də aparıcı neft şirkətlərinin iştirak etdiyi ən böyük beynəlxalq neft nəqli layihəsinə çevrilib.

Qeyd edək ki, CPC Qazaxıstan və Rusiyada işləyən Tengiz-Novorossiysk neft kəməridir. Uzunluğu 1,5 min kilometrdir. Boru kəməri Qazaxıstanın bütün ixrac neftinin üçdə ikisindən çoxunu, o cümlədən Xəzər dənizində yerləşən yataqlardan xammalı nəql edir.