MDB ölkələrinin Forumu keçiriləcək

MDB-nin Maliyyə-Bank Şurası   MDB İcraiyyə Komitəsinin və Özbəkistan Nazirlər Kabinetinin dəstəyi ilə noyabrın 25-dən 26-dək MDB ölkələrinin II Beynəlxalq Maliyyə-Bank Forumunu keçirəcək.

Forumda milli və kommersiya bankları, birja rəhbərləri, maliyyə departamentləri, bank birlikləri  və assosiasiyaları, sığorta təşkilatları, lizinq şirkətlərinin nümayəndələri, həmçinin MDB, Avropa və Asiya ölkələrinin innovativ və investisiya şirkətlərinin rəhbərləri iştirak edəcəklər.

Forum iştirakçılara maliyyə-bank sistemi, sığorta sənayesi və qiymətli kağızlar sektorunda prioritet inteqrasiya layihələri ilə tanış olmaq, rəqəmsal iqtisadiyyatın inkişafı sahəsində aktual məsələləri nəzərdən keçirmək, biznes əməkdaşlığının gələcək inkişafı ilə bağlı fikir mübadiləsi aparmaq imkanı verəcək. Biznes proqramına plenar iclas, ixtisaslaşdırılmış dəyirmi masalar və B2 formatında işgüzar görüşlər daxildir.