Bu ölkə milli rəqəmsal valyutanı sınaqdan keçirəcək

Bu il Qazaxıstan özünün milli rəqəmsal valyutasının pilot layihəsinə başlaya bilər, - Qazaxıstan Milli Bankın sədri Erbolat Dosayev bildirib, Kazinform müxbiri xəbər verir.

Erbolat  Dosayevin sözlərinə görə, bu baxımdan bu ilin əsas təşəbbüslərindən biri milli rəqəmsal valyutanın, rəqəmsal tengenin tətbiqi üzrə pilot layihədir. Layihə maliyyə bazarının iştirakçıları və beynəlxalq tərəfdaşlarla birlikdə həyata keçirilir. Milli Bankın sədri vurğulayıb ki, dünyanın bir çox ölkəsi öz rəqəmsal valyutalarını inkişaf etdirməyə başladığı üçün bu məsələ son vaxtlar geniş vüsət alır. O, əlavə edib ki, rəqəmsal tenge platformasının prototipi tamamlanıb və pilot layihənin nəticələrinə dair yekun hesabat 15 dekabr 2021-ci ildə dərc olunacaq. Rəqəmsal tengenin tətbiqinin zəruriliyi ilə bağlı yekun qərar 2022-ci ilin dekabrında veriləcək.