Mirziyoyevin həftəlik planına nələr daxildir?

Bu həftə Özbəkistan Prezidenti Şavkat Mirziyoyevin çox zəngin cədvəli olacaq.

O, 16-17 sentyabr tarixlərində keçiriləcək Şanxay Əməkdaşlıq Təşkilatının sammitinə qatılmaq üçün Tacikistana səfər edəcək.

Həmçinin prezidentin dörd dövlət başçısıyla, xüsusilə Rusiya Prezidenti Vladimir Putinlə danışıqlar aparacağı gözlənilir. Bunları dövlət başçısının mətbuat katibi Şerzod Əsədov açıqlayıb.

Qeyd edək ki,  ötən il pandemiyaya görə Şanxay Əməkdaşlıq Təşkilatının sammiti onlayn formatda keçirilib, bu dəfə dövlət başçıları əyani görüş keçirəcəklər.

Bundan əlavə, bir həftə ərzində prezidentin sosial-iqtisadi sahələrə həsr olunmuş müşavirələrinin keçirilməsi də nəzərdə tutulur.