Bişkekdə 60 rəssamın sərgisi açılacaq

Qırğız kinosunun 80 illiyi münasibətilə 14-27 oktyabr tarixlərində Qapar Aytiyev adına Qırğızıstan Milli İncəsənət Muzeyində 60 rəssamın sərgisi keçiriləcək. Bu barədə kyrgyzcinema.com saytında məlumat yayılıb.

Fərqli texnikada yerinə yetirilən 100 -dən çox əsər təqdim olunacaq: qrafika, rəsm, heykəltəraşlıq və keramika. Bu sərgidə həm Qırğız Respublikasının görkəmli xalq rəssamları, həm də gənclər iştirak edir.

Əsərlərin 90 faizindən çoxu ilk dəfə olaraq ictimaiyyətə nümayiş olunur və xüsusi olaraq bu sərgi üçün hazırlanıb.

Tematik olaraq əsərlər iki şərti qrupa bölünür: rejissorların portretləri və qırğız filmləri.

Rəssamlar, kinorejissorların daxili dünyasını, xarakterini, enerjisini daha yaxşı çatdırmaq üçün yalnız şəxsən ünsiyyət qurma şansları olan şəxslərin portretlərini çəkiblər.