TÜRKSOY-da "Qazax tarixi, mədəniyyəti və dili beynəlxalq konqresi" keçirilib

Beynəlxalq Türk Mədəniyyəti Təşkilatı, Qazaxıstanın Türkiyədəki səfirliyi, Türkiyənin İqtisadi İnkişaf və Sosial Araşdırmalar İnstitutunun iştirakı ilə, "Sosial elmlər Araşdırmaları" jurnalının "yeni era" iş birliyi çərçivəsində Qazaxıstan Respublikasının müstəqilliyinin 30 illiyinə həsr olunmuş "Qazax tarixi, mədəniyyəti və dili Beynəlxalq Konqresi" keçirilib.Türkiyə və Qazaxıstandan bir çox universitet, araşdırma mərkəzləri və digər qurumların iştirakı ilə keçirilən konqresin açılış nitqlərini Prof. Dr. Orhan Doğan, Xoca Əhməd Yəsəvi Beynəlxalq Türk-Qazax Universiteti Qəyyumlar Şurasının sədri Prof. Dr. Muhittin Şimşək, Qazaxıstan Respublikasının Ankaradakı səfiri Abzal Saparbekuli və TÜRKSOY-un Qazaxıstan üzrə nümayəndəsi Bakıtcan Ömərov ediblər.

Qazaxıstanlı sənətçilərin ənənəvi musiqi aləti Dombra ilə “Keçmişdən bugünə Qazaxıstan paytaxtları”, “Abilay xan və Qazax tarixində yeri”, “Orta Asiyanın Qəlbində, Sabitlik, Təhlükəsizlik və İqtisadi İnkişaf Mərkəzi – Qazaxıstan”, Qazax Mədəniyyətində “Ənənəvi Uşaq Oyunları”, “Qazax Milli Hərəkatı Alaş Orda və Əlixan Bökeyxan”, “Qazax türklərində Soğım ənənəsi” kimi məruzələr təqdim olunub.Qeyd edək ki,konqres öz işini sabah onlayn təqdim olunacaq çıxışlarla davam etdirəcək.