Qlobal Media Akademiyası yaradılır - VİDEO

Qlobal Jurnalistlər Şurasının İdarə Heyəti Ankaradakı qərargahında toplanıb. İdarə Heyətinin sədri Mehmet Ali Dimin açılış nitqi ilə başlayan iclasda qurulması planlaşdırılan Qlobal Media Akademiyası başda olmaqla, jurnalistlərin problemləri, medianın və Türkiyənin gündəmi dəyərləndirilib.

Görüşdə, həmçinin oktyabrda Azərbaycanın Füzuli şəhərində istifadəyə veriləcək hava limanının açılışında Türkiyə və digər ölkələrdən  jurnalistlərinin iştirakı məsələsi də müzakirə olunub.

Bununla yanaşı, oktyabrın 15-də yaranmasının 38-ci ildönümüqeyd olunacaq Şimali Kipr Türk Respublikası və bəzi ölkələrə ediləcək səfərlər də diqqət mərkəzində olub. Qarşıdakı aylarda fəaliyyəti planlaşdırılan Qlobal Media Akademiyası haqqında məlumat verən Mehmet ali Dim  bildirib ki, Akademiyanın əsas məqsədi Qlobal Jurnalistlər Şurası daxilində texniki təlimlər təşkil edərək media sahəsində çalışmaq istəyən universitet tələbələrini iş həyatına hazırlamaqdır. O qeyd edib ki, akademiyada təlim keçmək üçün bütün dünyada jurnalistika sahəsində peşəkar və akademik olaraq özünü təsdiqləmiş  təlimçilər seçiləcək. Təlimi uğurla başa vuran təcrübəçilərə sertifikat veriləcək. Kursun sonunda keçiriləcək Qlobal Jurnalistlər Şurası xəbər yarışmasından sonra ən yaxşı üç təcrübəçiyə mükafatlar təqdim olunacaq.