Ortaq media tarixindən bəhs edən kitab nəşr edilib

Türkiyə və Azərbaycanın dövlət xəbər agentliklərindən, ortaq media tarixindən bəhs edən yeni nəşr işıq üzü görüb. "Diqqət! Xəbər var!” adlı monoqrafik kitab dünya xəbər agentliklərinin iş prinsiplərindən, xəbər agentliklərinin yaranması və ictimai rəyə olan təsirlərindən, Azərbaycan və Türkiyənin ortaq media tarixindən və hər iki qardaş ölkə mediasının incisi hesab olunan "Azərtac" və "Anadolu" dövlət xəbər agentliklərinin müxtəlif proseslərdəki informasiya siyasətindən, informasiya ilə davranışlarından bəhs edir.  monoqrafik kitabın müəllifi, jurnalist, Əfsələddin Ağalarovdur.  

Ağalarov "Diqqət! Xəbər var!” monoqrafik kitabının Gənclər Fondu tərəfindən nəşr edildiyini və yaxın günlərdə təqdim ediləcəyini, gənclər üçün isə ödənişsiz olaraq paylanılacağını qeyd edib. Qeyd edək ki, müəllif Əfsələddin Ağalarov Bakı Dövlət Universitinin "Jurnalistika” fakültəsində bakalavr, Türkiyənin "Marmara Universitetinin” "İletişim” fakültəsində "Media İqtisadiyyatı və İdarəedilməsi” bölümündə magist təhsili alıb. O, "Azxeber.com” informasiya portalının təsisçilərindən biri olmaqla yanaşı, hazırda sözügedən informasiya resursunda baş direktor vəzifəsini icra edir.