Qırğızıstanda parlament seçkiləri keçiriləcək

Noyabrın 28-də Qırğızıstanda keçiriləcək parlament seçkilərini 21 ölkədən olan 60-dan çox ATƏT parlamentarisi müşahidə edəcək. Bu barədə beynəlxalq təşkilat məlumat yayıb.

2021-ci il yanvarın 10-da keçiriləcək prezident seçkilərini artıq müşahidə etmiş Peter Juel-Jensen ATƏT-in Qısamüddətli Missiyasının Xüsusi Koordinatoru və rəhbəri təyin edilib.

“Əminəm ki, biz seçkilərlə bağlı obyektiv, qərəzsiz və etibarlı hesabat hazırlaya biləcəyik", - deyə Peter Juel-Jensen bildirib.

ATƏT Parlament Assambleyasının nümayəndə heyətinə isə Fərəh Kərimi başçılıq edir.

ATƏT PA-nın nümayəndə heyəti regionlarda fəaliyyət göstərən uzunmüddətli müşahidəçilərlə sıx əməkdaşlıq şəraitində Bişkek və ətraf rayonlarda monitorinq keçirəcək.

Beynəlxalq müşahidə missiyasına ümumilikdə 300 nəfər daxildir.