Qarabağın sərvəti: NEFTDƏN BAHA SU

İyunun 26-da Prezident İlham Əliyev Silahlı Qüvvələr günü münasibəti ilə Kəlbəcər, Laçın və Göygölə səfər etdi. Səfər çərçivəsində Kəlbəcərin baş planı da cənab Prezidentə təqdim olundu. Bu, Kəlbəcərin istər iqtisadi, istər turizm, istərsə də hərbi cəhətdən inkişafının növbəti addımı oldu. Ümumiyyətlə, Kəlbəcərin inkişafına təkcə bu gün deyil, elə Sovet dönəmindən də bir sıra töhfələr verilib. Həmin işlərdə rolu olanlardan biri də mühəndis-mexanik Məmməd Hacıyevdir.

Hacıyev Məmməd Oruc oğlu 01.02.1946-cı ildə Kəıbəcər rayonunun Nadirxanlı kəndində anadan olub. 1965-ci ildə Qılınclı kənd orta məkəbinin 11-ci sinifini bitirib. Həmin ildə  o vaxtki Azərbaycan Politexnik İnstitunun Avtomatika və Hesablama texnikası fakültəsinin avtomatlaşdırma üzrə mühəndis-mexanik ixtisasına qəbul olub. 1971-ci ildə institutu fərqlənmə diplomu ilə bitirib. Axşam şöbəsinə qəbul olduğu üçün 1966-1971-ci  illərdə o vaxtki Mərkəzi Elektrotökmə zavodunda texnik- konstruktor işləyib. 1971-1972-ci tədris ilində orta məktəbdə fizika-riyaziyyat müəllimi işləyib. Bir illik hərbi xidmətdən sonra  Bakı Yeyinti ərzağı zavodunda mexanik, 1974- 1977-ci illərdə Bakı Elektrik Maşınqayırma zavodunda mühəndis mexanik işləyib.

1977- ci ilin sentyabr ayından 1993-cü ilə kimi Kəlbəcər İstisu mineral sudoldurma zavodunda mühəndis-mexanik, 1990- cı ildən Kəlbəcər erməni quldurları tərəfindən işğal olunanadək həmin zavodda Baş mühəndis vəzifəsində işləyib. İşlədiyi müddətdə bir neçə səmərələşdirici təklif verib, istehsalata tətbiq edib.

Onlardan ən vacib olan İstisu mineral suyunun özündən təbii karbon qazının alınmasıdır. Hansı ki, o vaxtki Yeyinti Sənayesi Nazirıiyi tərəfindən bəyənilib və pul mükafatı ilə mükafatlandırılıb.