Qripə qarşı peyvəndləmə işləri başlayıb

Sentyabrın 15-dən Qazaxıstanda vətəndaşların qripə qarşı peyvəndlənməsinə başlanılıb.

Proses noyabrın 15-dək davam edəcək.

MediaTurk TV xəbər verir ki, artıq 2,5 milyon dozada "Grippol Plus" adlı Rusiya peyvəndi alınıb.

Hamilə qadınlar, uşaqlar, dispanser qeydiyyatında olan insanlar və tibb işçiləri pulsuz peyvənd ala bilərlər.

Qazaxıstanda epidemioloqların fikrincə, bu ölkədə qripə yoluxmanın illik zirvəsi oktyabr ayına düşür.

Qazaxıstan Səhiyyə Nazirliyinin məlumatına görə, kütləvi peyvəndin ölkə əhalisinin 13% -ni əhatə etməsi planlaşdırılır. Bu, ÜST -nin tövsiyə etdiyindən 3% çoxdur.

Koronavirusa yoluxmuş Qazaxıstanlılara gəldikdə, həkimlər ən azı 3 ay qripə qarşı peyvənd edilməməyi tövsiyə edirlər.