Türkmən həkimlər Almaniyada təcrübə keçəcək

MediaTurk TV xəbər verir ki , noyabrın 16-da Terkmənistan baş nazirinin elm və təhsil, səhiyyə və idman üzrə müavini Sapardurdı Toylyev prezident Qurbanqulu Berdiməhəmmədova tibb işçilərinin ixtisaslarının artırılması üzrə görülən işlər barədə məlumat verib .

Baş nazirin müavini Almaniyanın tibb mərkəzləri və Türkmənistana müntəzəm səfər edən mütəxəssislərlə səhiyyə sahəsində uğurlu əməkdaşlıqdan danışıb.

Toylyevin sözlərinə görə, bir qrup türkmən mütəxəssisi noyabrın 21-24-də Münhen Maksimilian-Lüdviq Universitetinin Qrosshadern klinikasına göndəriləcək.

Qeyd edək ki, Münhendəki Grosshadern Universiteti Xəstəxanasının professoru , endokrinologiya və diabetologiya üzrə ixtisaslaşmış Klaus Parhofer mütəmadi olaraq Türkmənistana səfər edir və 2008-ci ildən türkmən həkimləri ilə əməkdaşlıq edir.