Bu şəxslər maska taxmaya bilər

Avqustun 4-də hökumətin iclasında Qazaxıstan Səhiyyə Nazirliyinin rəhbəri Aleksey Tsoi ictimai yerlərdə, ziyarət, əhaliyə xidmət və istirahət üçün nəzərdə tutulmuş otaqlarda, açıq havada maskaların taxılmasının məcburi olduğunu bildirib. İstisnalara beş yaşa qədər uşaqlar, beş nəfərdən çox olmayan fərdi, qrup idman növləri ilə məşğul olan insanlar və tibbi əks göstərişləri olan şəxslər aiddir.

Avqustun 7-də keçirilən brifinqdə Qazaxıstan Səhiyyə Nazirliyinin rəsmi nümayəndəsi Bağdat Kocaxmetov bildirib ki, həmçinin, sağlamlıq imkanları məhdud şəxslər, səhhətində problem olan uşaqlar maska ​​taxmaya bilər.

Qeyd edək ki, Qazaxıstanda küçədə maska ​​taxmaq məcburi tələbdir və bunun pozulmasına görə 83 340 tenge cərimə nəzərdə tutulur.