Ulukbek Maripov Türkiyəni strateji tərəfdaş adlandırıb

Qırğızıstanın Baş naziri Ulukbek Maripov Ticarət və İqtisadi Əməkdaşlıq Hökumətlərarası Qırğızıstan-Türkiyə Komissiyasının iclasında iştirak etmək üçün ölkəyə gələn Türkiyə Respublikasının vitse-prezidenti Fuat Oktay ilə görüşüb.

Bu barədə Qırğızıstan Nazirlər Kabinetinin mətbuat xidmətindən məlumat verilib. “Qırğızıstan Respublikası, Türkiyə Respublikasını çoxdankı tarixi və mədəni əlaqələr, din və dil, qardaşlıq və dostluq münasibətləri ilə birləşən strateji tərəfdaş olaraq görür. Bu il iki dövlət arasında diplomatik əlaqələrin qurulmasının 30 illiyidir. Hökumətlərarası Qırğızıstan-Türkiyə Komissiyasının iclasının uğurlu olacağına və yaxşı nəticələr əldə edəcəyimizə əminəm " deyə Ulukbek Maripov bildirib.

Görüş zamanı əməkdaşlığın aktual məsələləri, o cümlədən tibb yönümlü Türkiyə universitetlərində qırğız tələbələrinin təhsili üçün kvotaların ayrılması, 150 qırğızın müalicəsi üçün illik kvota verilməsinin bərpası ilə bağlı fikir mübadiləsi aparılıb.