Qırğızıstan Prezidenti Düşənbəyə işgüzar səfər edəcək

Qırğızıstan Prezidenti Sadır Japarov sentyabrın 15-17-də Düşənbəyə işgüzar səfər edəcək. Bu barədə dövlət başçısının administrasiyasının xarici siyasət şöbəsinin müdiri Jeenbek Kulubaev məlumat verib.

Onun sözlərinə görə, Prezident Kollektiv Təhlükəsizlik Müqaviləsi Təşkilatının Kollektiv Təhlükəsizlik Şurasının sessiyasında və Şanxay Əməkdaşlıq Təşkilatının Dövlət Başçıları Şurasının iclasında iştirak edəcək.

“Sadır Japarov, Şanxay Əməkdaşlıq Təşkilatı və Kollektiv Təhlükəsizlik Müqaviləsi Təşkilatına üzv ölkələrin nümayəndə heyətlərinin başçılarının Əfqanıstandakı vəziyyətlə əlaqədar birgə iclasında iştirak edəcək. Həmçinin sammitlər çərçivəsində ikitərəfli görüşlər keçiriləcək. Qırğızıstan bu çoxtərəfli platformalar çərçivəsində əməkdaşlığa böyük önəm verir. Qırğızıstanın KTMT və ŞƏT -də iştirakı ölkənin xarici siyasətində prioritet istiqamətlərdən biridir ”, - deyə Jeenbek Kulubaev qeyd edib.