Azərbaycan Ermənistanı beynəlxalq məhkəməyə verdi - VİDEO

Azərbaycan İrqi Ayrıseçkiliyin Aradan Qaldırılması ilə bağlı Beynəlxalq Konvensiyanın tətbiqi və təfsiri ilə əlaqədar Ermənistana qarşı Beynəlxalq Ədalət Məhkəməsində iş qaldırıb.

Bu barədə Beynəlxalq Ədalət Məhkəməsi məlumat yayıb. İddiaçıya görə, "Ermənistan milli və etnik mənşəyinə görə  azərbaycanlılara qarşı silsilə ayrıseçkilik hərəkətləri görüb və görməyə davam edir. Müraciətçi qeyd edir ki, Ermənistan birbaşa və dolayı yollarla etnik təmizləmə siyasətini həyata keçirir, irqçi təbliğat apararaq və nifrət nitqi ilə azərbaycanlılara qarşı nifrəti və etnik zorakılığı qızışdırır və bu, həmçinin hökumətin ən yüksək səviyyələrinə aparılır. Azərbaycan əlavə edir ki, “Tərəflərin Azərbaycanın iddialarını həll etmək üçün danışıqlar aparmaq cəhdləri son on ayda çıxılmaz vəziyyətə düşüb. Buna görə də Azərbaycan məhkəməni Beynəlxalq Konvensiyaya  pozuntuları çərçivəsində Ermənistanı bu məsələdə cavabdeh tutmağa çağırır.