Türk Şurasının ailə tablosu tamamlanacaq

Noyabrın 12-də İstanbulda keçiriləcək Türk Şurasının 8-ci Zirvə görüşündə Türkmənistanın da müşahidəçi kimi iştirak etməsi Şuranın ailə tablosu tamamlanmış olacaq.

Türkdilli Ölkələrin Əməkdaşlıq Şurası (Türk Şurası) noyabrın 12-də İstanbulda keçiriləcək 8-ci Zirvə görüşündə Türkmənistanın iştirakını səs çoxluğu ilə qəbul edib.

Türkdilli respublikaların müstəqilliklərinin 30-cu ildönümünü qeyd etdiyi bir vaxtda növbəti Zirvə görüşü ortaq keçmişi olan xalqlarımızın ortaq gələcəyə də inamla baxaraq, birlik və həmrəylik ruhunun gücləndirilməsinə vəsilə olacaq. 

Zirvə görüşündə Türk Şurasının qarşıdakı illərdə inkişafına yönəlik vacib qərarların alınacağı, Türk dünyasının birlik və həmrəyliyinin daha da möhkəmləndirilməsi istiqamətində dönüş nöqtəsi olacağı gözlənilir.