Türkiyədə Qırğızıstanın Fəxri Konsulluğu açıldı

Türkiyənin Bursa vilayətində Qırğızıstanın Fəxri Konsulluğu açılıb. Bu barədə Qırğızıstan Xarici İşlər Nazirliyinin İnformasiya Departamenti məlumat yayıb.

Qırğız Respublikasının Türkiyə Respublikasındakı Fövqəladə və Səlahiyyətli Səfiri Kubanıçbek Omuraliyev konsulluğun açılmasının ölkələr arasında ticarət və iqtisadi istiqamətlər daxil olmaqla qarşılıqlı faydalı ikitərəfli əlaqələrin daha da inkişafına təkan verəcəyinə ümidvar olduğunu bildirib.

O, yeni təyin olunan Fəxri Konsul Bilal Tutuşun Bursa vilayətində qalan Qırğızıstan vətəndaşlarının hüquq və mənafelərini qorumaq üçün qarşıya qoyulan vəzifələrin öhdəsindən layiqincə gələcəyinə ümid etdiyini bildirib.

Mərasim hissəsindən sonra Qırğızıstan Respublikası vətəndaşları ilə görüş keçirilib.