Türkiyədən Yunanıstana cavab

Türkiyə Xarici işlər nazirliyi Yunanıstanın xarici işlər naziri Nikos  Dendiasın Türkiyəyə qarşı bəyanatlarına cavab verib.

Ötən gün Afinada Yunanıstanın Xarici işlər naziri Nikos Dendiasın Səudiyyə Ərəbistanının xarici işlər naziri Feysəl bin Fərhan Əl Səudla keçirdiyi mətbuat konfransında Türkiyənin Egey dəniz adalarının silahlandırılması ilə bağlı bəyanatına reaksiya verilib.

Dendias bəyanatında bildirib ki,"əgər Türkiyə xoş niyyət nümayiş etdirmək istəyirsə, o, Liviya ilə dəniz yurisdiksiyasının müəyyənləşdirilməsi haqda razılaşmanı ləğv etməlidir". O, Türkiyənin regionda təcavüzkar siyasət yeritdiyini irəli sürüb.

Türkiyən XİN -nin mətbuat katibi Tancu Bilgiç bu məsələyə yazılı cavabında Dendiasın bəyanatlarını "təxribat xarakterli ritorika"adlandırıb.

Bu təxribatçı ritorika nə mehriban qonşuluq münasibətləri ilə, nə də Yunanıstanla bərpa olunmuş Məşvərət danışıqlarımızın ruhu ilə uzlaşmır", - deyə o bildirib.

"Biz Yunanıstanın ölkəmizin  hüquqlarını və maraqlarını müdafiə etmək iradəsini təhdid adlandırmasını və bu istiqamətdə qeyri - real qavrayış yaratmağa çalışmasını rədd edirik", - deyə XİN nümayəndəsi Bilgiç bildirib.

O,Yunanıstanı beynəlxalq sazişlərə və hüquqlara hörmət etməyə çağırıb.