Nazarbayevin qohumları işdən çıxarılıb

Nazarbayevin qızları sosial şəbəkələrdə Qazaxıstanda baş verən hadisələrlə bağlı çətin anlar yaşadıqlarını etiraf edən mesajlar yazıblar.

Qazaxıstanın eks-prezidenti Nursultan Nazarbayevin kiçik qızı Aliyə Nazarbayevanın əri Dimaş Dosanov Qazaxıstanın “KazTransOil” dövlət şirkətinin baş direktoru, İdarə Heyətinin sədri vəzifəsini tərk edib.

Bu barədə “Samruk-Kazına” Fondunun məlumatında deyilir.

“KazTransOil SC-nin Direktorlar Şurasının 14 yanvar 2022-ci il tarixli qərarına əsasən, D.Dosanovun “KazTransOil” SC-nin baş direktoru (İdarə Heyətinin sədri) səlahiyyətlərinə təqdim edilmiş ərizəyə əsasən, vaxtından əvvəl xitam verilib. "Samruk-Kazına” Fondunun bəyanatında deyilir.

Fonddan bildirilib ki, həmin tarixdən Kayrat Şaripbayevin də “QazaqGaz” Milli Şirkəti (keçmiş adı – KazTransQaz) ASC-nin İdarə Heyətinin sədri kimi səlahiyyətlərinə vaxtından əvvəl xitam verilib.

Qazaxıstan KİV-i Şaripbayevi keçmiş prezidentin böyük qızı - parlamentin deputatı Dariqa Nazarbayevanın ikinci əri adlandırır.

Cümə axşamı Aliyə Nazarbayeva Facebook və Instaqram sosial şəbəkələrində eyni mesaj yazaraq ölkədə baş verən hadisələrdən çox narahat olduğunu və atasına verdiyi dəstəyə görə Qazaxıstan xalqına təşəkkür etdiyini bildirib. İnternet istifadəçilərinin qeyd etdiyi kimi, Instagram hesabın sahibinin Birləşmiş Ərəb Əmirliklərində  olduğunu müəyyən edib. Bundan sonra Aliyənin hesabları bağlanıb.

Dariqa Nazarbayeva parlamentin yanvarın 12-də keçirilən iclasında iştirak etməyib. Parlamentin aşağı platasının mətbuat xidməti Nazarbayevanın xəstəlik məzuniyyətində olduğunu bəyan edib.