Prezident: "2022-ci ili regionların inkişafı ili elan etmişik"

"İş yerlərinin yaradılması və regionlarda ailə gəlirlərinin artırılması yeni sistemin əsas meyarları olacaq."

Bu sözləri Özbəkistan Prezidenti Şavkat Mirziyoyev regionlarda yeni iş sisteminin təşkilinin prioritet vəzifələrinə və 2022-ci ildə məşğulluğun təmin edilməsinə həsr olunmuş videokonfransda çıxışı zamanı deyib.

"Fəal islahatlar, sahibkarlığın inkişafı və fəaliyyəti nəticəsində keçən il ölkəmizin ümumi daxili məhsulu 7,4 faiz artmışdır. 100 000-ə yaxın yeni sahibkar regionlarda fəaliyyətə başlayıb. Öz-özünə işləyənlərin sayı 700 min artaraq 1,2 milyon nəfərə çatmışdır.

Biz 2022-ci ili insan maraqlarının təmin edilməsi və regionlarınn inkişafı ili elan etmişik. Ona görə də bu il bütün regionlarda əsaslı dəyişikliklər baş verməlidir"-deyə prezident bildirib.