Tokayev postundan GETDİ

Bu gün Qazaxıstanın paytaxtı Nur-Sultanda prezident Kasım-Jomart Tokayevin sədrliyi ilə hakim “Amanat” Partiyasının növbədənkənar qurultayı keçirilir.

Qurultay onlayn rejimdə keçirilir. Orada bütün bölgələrdən nümayəndələr iştirak edir.

Qurultayın əvvəlində Qazaxıstan prezidenti Kasım-Jomart Tokayev “Amanat” Partiyasının tərkibindən çıxmaq barədə qərarını elan edib.

"Bu gündən etibarən mən “Amanat “partiyasının sədri vəzifəsindən getməyə və partiyadan çəkilməyə qərar verdim. Bu addım simvolik xarakter daşıyır. Bu baxımdan, prezident seçkilərində göstərdiyiniz etimad və dəstəyə görə hamınıza təşəkkür edirəm", deyə - Qazaxıstanın dövlət başçısı bildirib.

Qazaxıstan Məclisinin (parlamentin aşağı palatası) spikeri Yerlan Koşanov hakim partiyanın yeni sədri seçilib.

Qurultayda “Adal” Partiyasının “Amanat” Partiyasına birləşməsi məsələsinə də baxılacaq.