Özbəkistanda inqilabi dəyişiklik – Mirziyoyev elan etdi

Özbəkistanda ölüm hökmünün qadağan edilməsi ilə bağlı norma Konstitusiyada təsbit edilməlidir.

Mediaturk.tv xəbər verir ki, bunu Özbəkistan Prezidenti Şavkat Mirziyoyev deyib.

Dövlət başçısı ölkənin əsas qanununun 2022-ci ilin dekabrına qədər tamamilə yenilənməsi təşəbbüsü ilə çıxış edib. Artıq Özbəkistan parlamenti qanunları yeniləyəcək konstitusiya komissiyası yaradıb.

Mirzoyoyev “humanizm ideyalarına sədaqət” naminə edam cəzasının Konstitusiyadan çıxarılmasını təklif edib. Onun sözlərinə görə, bütün ölkələr Daşkəndin bu məsələdə prinsipial olduğunu bilməlidir.

“Demokratik və humanist ideyaların ən yüksək səviyyəyə qaldırıldığı dünyanın əksər ölkələrində ölüm hökmü ləğv edilib. Çünki yaşamaq hüququ hər bir insanın təbii hüququdur”, - Mirziyoyev deyib.