İçərisində Azərbaycan və Türkiyə vətəndaşları olan gəmi batdı

Tunisdə Qabes şəhəri yaxınlığına ticarət gəmisi batıb.

MediaTürk TV RİA Novosti-yə istinadən xəbər verir ki, bütün ekipajın həyatını xilas etmək mümkün olub.

Məlumata görə, içərisində Türkiyə və Azərbaycan vətəndaşlarının da olduğu yeddi ekipaj üzvü Qabes xəstəxanasına çatdırılıb. Onların vəziyyəti stabil olaraq qiymətləndirilir.

Bildirilir ki, gəmi Ekvatorial Qvineyadan hərəkət edib.

Gəminin batmasına su sızması səbəb olub. Ekipaj üzvləri siqnal məşəlləri atıblar və bu, sahil mühafizəsinin diqqətini çəkib.