Nazarbayevin qardaşı oğlu 6 il müddətinə HƏBS EDİLDİ

Qazaxıstan məhkəməsi ölkənin birinci prezidenti Nursultan Nazarbayevin qardaşı oğlu Kayrat Satıbaldıulının cinayət işi üzrə məhkəmə qərarı elan edib.

Mediaturk.tv xəbər verir ki, hökmü Astananın Baykonır rayonunun 2 saylı məhkəməsinin hakimi Nurlan Bayaxmetov oxuyub.

O, əmlakı müsadirə olunmaqla, dövlət qulluğunda, məhkəmədə, Qazaxıstan Respublikasının Milli Bankında və dövlət təşkilatlarında vəzifə tutma hüququndan məhrum edilməklə altı il müddətinə həbs edilib.

Bundan əlavə, ölkə Prezidentinə Satıbaldıulının Qazaxıstan Respublikasının milli təhlükəsizlik orqanlarının general-mayoru xüsusi rütbəsindən, habelə dövlət təltiflərindən məhrum edilməsi təklifi təqdim ediləcək.

Qeyd edək ki, Kayrat Satıbaldıulı 1970-ci ildə anadan olub. Bu illər ərzində o, Milli Təhlükəsizlik Komitəsində, hakim Nur Otan partiyasında (indiki Əmanət partiyası) müxtəlif vəzifələrdə çalışıb, bizneslə məşğul olub.